ولات


قيلا بحرت برزا نامت
فران دردت كاني درمانت
دوستت بي بدشمنت
نرني بارم سري بارت
بچم متي چنيا حالت
چم الات خلات بخودا ولات
دوشمنت ساغا واتو مرديت
حيفا ولات يخسير كتيت
هوردش نكرد غريب بيشتت
يادار غريب نبي كيرمت
رازي يني يا خودا بأمرت
يادنيا وسا چنيمان مكرت
يادوست والله عجيبا چنيمان امرت
إنن خاسيم إنن خرابيت
اورزَ ولات بقووت بشور زامت
بزانا ژنت چي زلامت
بزان خلفتت وأوجاغت
بزان كورَي دجلت وفوراتت
خني لشمان چي خيركلت
بزان هوي بي چنت أودرمانت
وبندر بينَ داري خورمايت
ناشتَ بلو دمي خايني آيت
كاني أمن ولات أكر أتو هليايت
چورَ نامم پسيار مكرا نامت
ياغريب نامش چيشا ولاتت
ياغريب راستا چي جنتيا چمي فوراتت
ياغريب سلام برَ اكر لواي ألا عراقت
نيا قادَ حضارتت وبنيانت
نيا قادَ زميت وعسمانت
ولاتم باغي كولني بعربت وشبكت
وايزيدت وكرمانجت
وصابئت وكلدو اشوريت
وارمنت وتركمانت

محمد عباس محمد